Prezio Zehatza
Maiatzaren 18an 40 urte beteko ditu Zarauzko Dendarien Elkarteak. Hori ospatzeko kanpaina berezi bat jarri dugu abian, "Prezio Zehatza – Precio Justo”
KANPAINAREN OINARRIAK: “PREZIO ZEHATZA – PRECIO JUSTO”
1 - Kanpaina 2022ko maiatzaren 18tik 31ra izango da
2.- Kanpainari atxikitako saltokietan erosten duten pertsona guztiek parte hartu ahal izango dute.
3 – Parte-hartzaileek txartel bat bete ahal izango dute egindako erosketa bakoitzeko. Txartel horretan, Milar zaharrean (Zarauzko Barren Plazan) dagoen erakusleiho baten precio zehatza proposatuko dute.
4 – Prezio Zehatza zifra bat izango da, bi dezimalekin
5 – Hor dauden produktu guztiek erakusleihoa osatuko dute, kanpainako erakusketa-euskarriek (mahaiak, esekitokiak….), publizitate-elementuek (plotterrak…) eta dekorazio-elementuek (puxikak…) izan ezik.
6 - Prezioa asmatu behar den erakusleihoan dauden produktuak kanpaina honetako saria dira.
7 - Erakusleihoaren Prezio Zehatza asmatzen duen bezeroak saria irabaziko du. Parte-hartzaileek Prezio Zehatza asmatzen ez badute, irabazlea izango da gehien hurbiltzen dena Prezio Zehatz horretara, igaro gabe.
8 - Berdinketa gertatuz gero, saria irabazle guztien artean banatuko da. Horretarako, MURKILek zozketa bat egingo du irabazleen ordena zehazteko. Hori eginda, irabazleek, banan-banan eta txandaka, nahi dituzten produktuak aukeratuko dituzte.
9 - Irabazleak astebeteko epea izango du, telefonoz jakinarazten zaionetik hasita, lortutako saria eta eskaintzen diren baldintzak idatziz onartzeko. Saria onartzeko, irabazleak izen osoa, telefonoa, NANa eta helbidea aurkeztu beharko ditu.
10 - Irabazleak, saria onartu ondoren, sari osoa jasoko du astebeteko epean. Era berean, saria jasotzean sortu ahal diren logistika-gastuak bere gain hartuko ditu.
11 - Jakinarazpena egiten denetik aurrerako epean saridunak saria onartzen ez badu, hurrengo pertsonari jakinaraziko zaio, eta horrela, hurrenez hurren.
12 – Parte-hartzaileren batek kanpaina honen funtzionamendu ona edo araudia huts egiten badu, aldatzen badu edo betetzen ez badu, MURKILek kanpaina honetatik bera kanporatu ahal izango du.
13 – MURKILek irabazlearen izen-abizenak erabili ahal izango ditu, eta argazkiak atera ahal izango zaizkio Interneten eta prentsan argitaratzeko. Era berean, hori ondorengo kanpainetarako erabili ahal izango da.
14 – Irabazleek ezin izango dituzte emandako sariak trukatu, aldatu edo konpentsatu, salbu eta produktua erosi den saltokiak lehenago esplizituki onartu badu. Irabazleari jakinaraziko zaio hori.
15 - Ematen den saria besterenezina da, hau da, edozein arrazoirengatik sarituak ezin badu saria onartu edo uko egin nahi badio, MURKILek hurrengo irabazlea izendatuko du, eta horrela, hurrenez hurren.
16 - Lehiaketan parte hartzen dutenek oinarri hauek onartuko dituzte.
17 - Edozein zerga-betebehar sariaren irabazlearen kontura izango da.
18 - MURKILeko batzarrak oinarriak gauzatzean sor daitezkeen zalantzak interpretatzeko eta ebazteko eskumena izango du.
19 - Murkilek eskubidea izango du lehiaketaren mekanikari eta sariei buruzko aldaketak egiteko edo eranskinak eransteko, betiere horiek justifikatuta badaude eta parte-hartzaileei kalterik eragiten ez badiete, eta berarie jakinarazi beharko da (web orrian, sare sozialetan eta komukikabideetan).
Zorte on!!!